Anresa Iniesta pa dyshim është njëri nga mesfushorët më të mirë në historinë e futbollit. Pas shkëlqimit për 16 vjet me radhë (2002-2018) te Barcelona (më herët ka kaluar nëpër të gjitha grup moshat e kësaj skuadre), tani është duke shijuar aventurën te skuadra japoneze Vissel Kobe.
Iniesta ka folur për “El Mundo Deportivo” për të ardhmen e tij ku ka befasuar duke thënë se nuk e mendon që të jetë trajneri i Barcelonës, por as nuk e përjashton një mundësi të tillë.
“Nuk e di se çfarë do të ndodhë me të ardhmen time. Nuk mund të them se nuk do të më pëlqente të drejtoja Barcelonën, por nuk mund të them që e kam në mendje për momentin gjithashtu”, është shprehur legjenda e mesfushës spanjolle.
