Ky është qyteti i vetëm shqiptar ku të gjithë banorët jetojnë në paqe

0
165

Nëse ka një qytet në vendin tonë ku niveli i kriminalitetit është zero, ai është pikërisht qyteti piktoresk i Përmetit.

Në raportet e Prokurorisë së Përgjithshme për nivelin e kri.minalitetit ndër vite thuhet se Përmeti është ndër qytetet me përqindjen më të ulët të procedimeve penale.

Duke iu referuar statistikave për tremujorin e parë të këtij viti nga zyra e shtypit në Policinë e Gjirokastrës bëhet me dije se është shënuar vetëm një rast shpërdorimi detyre nga ana e një punonjësi publik, referim ky në gjendje të lirë, 2 vjedhje banesash për njërën prej të cilave është zbardhur autori, 7 raste fyerjesh të cilësuara si kanosje me fjalë, 1 rast arrestimi për një drejtues mjeti në mënyrë të parregullt dhe 2 raste dhune në familje edhe këto nën cilësinë e referimeve ndërsa zbulueshmëria e autorëve të veprave penale është thuajse në masën 100%.

Raste të veprave të rënda penale të parashikuara nga kodi penal nuk ka pasur.

Po të njëjtat burime bëjnë të ditur se dinamika e kri.minalitetit është më e ulët në Përmet pasi ky vend me kohë është shquar për rendin, qetësinë dhe bindjen ndaj shtetit.