Braxton Moral është 16 vjeç. Ai ka vendosur të përfundojë studimet, si në shkollën e mesme ashtu dhe në Universitetin e Harvardit, në pranverë. Moral do të marrë diplomën e shkollës së mesme, edhe atë bachelor nga universiteti ”Ivy League”, në muajin maj.
Pavarësisht se është studenti i parë dhe i vetëm që njëkohësisht ndjek një diplomë të shkollës së mesme dhe një diplomë bachelor nga Universiteti i Harvardit, Moral nuk e konsideron veten të ndryshëm nga nxënësit e tjerë të shkollave të mesme.
“Unë nuk jam ndryshe, unë thjesht bëj një gjë të vogël në anën tjetër”, thotë Moral.
