Xhonaton Kaller është kritik amerikan dhe profesor i gjuhës angleze në Universitetin e Kornellit. U lind në vitin 1944.
Libri i tij “Poetika strukturaliste” është shpërblyer me çmimin Lowell Prize, i ka krijuar autorit të reputacionin si një ndër kritikët më të njohur.
Libri tjetër i tij “Teori letrare: një hyrje shumë e shkurtë”, është përkthyer në 26 gjuhë, përfshirë edhe gjuhën shqipe.
Profesor Jonathan Culler ka qenë president i Shoqatës Amerikane të Letërsisë komparative dhe shef i departamenteve të Anglishtës, Letërsisë komparative dhe studimeve të gjuhëve romane në Kornell.
Nga viti 2001 është anëtar i Akademisë dhe Shkencave, kurse nga viti 2006 është anëtar i Shoqatës Filozofike Amerikane, shkruan Symbol.
Tani, punon sekeretar i Këshillit Amerikan të Shoqatave Mësimore dhe shef i Këshillit të Nju Jorkut për Shkencat Humane.
“Nuk kishte njëri tjetër në Oksford që interesohej apo që dinte dicka rreth strukturalizmit, dhe kjo ishte mjaft e rëndësishme për mua. Ndjenja se dija më shumë për këto gjëra, sesa kushdo tjetër në Oksford, më dha shumë besim për të shkruar recensione për botimet e reja dhe pa dyshim më ndihmoi ta përvetësoj një ton autoritar në Poetikën strukturaliste”, ka thënë ai./OxygenPress.info
