Dy nga 44 kosovarët që u dogjën pas një shpërthimi të një bombole gazi në Ferizaj, janë dërguar për trajtim të mëtutjeshëm në Austri.
Për këtë është deklaruar edhe kancelari austriak, Sebastian Kurz, i cili ka thënë se ndihma e bërë as që duhet të përmendet.
“As që duhet të thuhen fjalë që Austria ofron ndihmë gjithmonë kur është e nevojshme”, është shprehur Kurz, raporton Due Presse, transmeton Klan Kosova.
Ai ka përmendur shembuj se kur shteti që drejton ka vepruar në raste të ngjashme në shtetet ballkanike.
“Për shembull, pranverën e kaluar ne siguruam ndihmë mjekësore për pacientët me COVID-19 nga Ballkani Perëndimor dhe përgjatë gjithë vitit dhamë mbështetje edhe me pajisje mjekësore”.
Dy pacientët me djegie janë dërguar në Austri pasi që Ministria e Jashtme austriake është përgjigjur në kërkesën e Ministrisë së Jashtme të Kosovës për të ofruar ndihmë.
