Kryeministri i Republikës së Kosovës në detyrë, z. Albin Kurti, priti në takim Ambasadorin e Mbretërisë së Bashkuar në Kosovë, z. Nicholas Abbott.
Në takim u bisedua për situatën aktuale në Kosovë, me theks në menaxhimin e pandemisë me COVID-19.
Kryeministri në detyrë Kurti e njoftoi Ambasadorin Abbott me rënien drastike të numrit të të infektuarve me virusin corona, dhe që numri i të shëruarve tashmë e ka tejkaluar atë të infektuarve, gjë për të cilën Ambasadori Abbott shprehu mirënjohjen e tij për punën e mirë të Qeverisë.
