Sot ka arritur donacioni i radhës nga ambasadori i Hungarisë, z. Jozsef Bencze, maska dhe rroba mbrojtëse. Donacion në fjalë ka 49.000 maska dhe 4500 veshje mbrojtëse .
Hungaria gjatë pandemisë ka sjell ndihma të vazhdueshme për Kosovën dhe jemi shumë falënderues.
“Këto ndihma janë më së të nevojshme për qytetarët tanë në luftën pandemike dhe në frontin e përbashkët në luftimin e Covidit-19. Kjo na forcon, na jep kurajo të vazhdojmë dhe ta rrisim kujdesin, mbi të gjitha me mjetet mbrojtëse, me masat mbrojtëse për personelin shëndetësor, por edhe për qytetarët aty ku ne po mundemi që t’u dalim në ndihmë”, ka thënë Zemaj.
