Në Prishtinë është mbajtur konferenca e Zyrës Rajonale për Bashkëpunim të Rinisë (RYCO), “Fuqizimi i rrugës për pajtim dhe bashkëpunim rajonal. Debat për të ardhmen evropiane të të rinjve kosovarë. Këtë vit, kryesimin e Bordit Drejtues të RYCO-s do ta ketë Kosova, përcjell OxygenPress.info.
Aty mori pjesë edhe ministri i Kulturës, Rinisë dhe Sportit, Kujtim Gashi ku foli për bashkëpunimin e deritashëm, njofton MKRS.
“Në momentin që po flasim RYCO ndodhet në një pozicion shumë më të favorshëm krahasuar me vitin e kaluar; me një strukturë të konsoliduar dhe me objektiva të qarta strategjike se ku e sheh veten në të ardhmen”, tha ministri, duke shtuar se themelimi i RYCO-s është një mundësi e mirë e shkëmbimeve rinore rajonale e cila duhet të shfrytëzohet nga të rinjtë.
