Kino Armata në Prishtinë ka njoftuar se ka filluar me konceptin e PARACINEMA me qëllim të shfaqjes së filmave eksperimental të cilëve, në fjalorin konvencional, u mungon një ose më shumë elemente material, të mediumit filmik.
PARACINEMA është term akademik i cili u referohet zhanreve të shumta filmike jashtë mainstream-it, të cilët kanë lidhje të njëjtë me filmat “e pranueshëm”.
Gjatë PARACINEMA, Armata sfidon nevojën e teknologjisë filmike për krijimin e kinemasë dhe hulumton tiparet fundamentale dhe efektet e kinemasë jashtë kufijve të mediumit filmik.
