Lotët kanë funksion mbrojtës të syve. Ata e njomin pjesën e parme të syrit, e pastrojnë nga irituesit dhe paraqesin barrierën e parë imunologjike të syrit.
Kështu, duke pasur lagështi syri, mundëson të kemi të pamur më të pastër.
A dini se lotët krijohen në gjëndrën e lotimit, që gjendet në këndin e jashtëm nën kapakun e sipërm të syrit.
Më secilën përpëlitje të syve, ata shpërndahen nëpër sipërfaqen e syrit dhe e pastrojnë atë.
Sasia normale ditore e lotëve është 30 pika, duke pasur parasysh se gjatë gjumit nuk dalin lot.
Përqindja më e madhe e lotëve përbëhet nga uji (98% ), ndërsa pjesa tjetër janë proteina e minerale.
Janë dy arsye të shpeshta pse lotojnë sytë:
Çfarë do të thotë rritja e lotimit?
Prodhimi i rritur i lotëve është një nga tre shenjat e sëmundjes së syrit (epiphora, blepharospasmus dhe fotofobia ).
Si iritues mund të përmenden pluhuri shtëpiak, ajri i thatë, tymi i duhanit dhe aerosolet.
Një nga shkaqet më të shpeshta për lotim të tepërt është reagimi alergjik i syrit.
Ekzistojnë një numër i madh i substancave që shkaktojnë reaksion alergjik.
Për shembull, në pranverë më e shpeshtë është alergjia nga pluhuri i polenit të luleve të ndryshme, dhe barit.
Alergji mund të shkaktojnë prodhime të ndryshme kozmetike, thjerrëzat e kontaktit. Njerëzit që ruajnë kafshë shtëpiake shpesh ankohen në lotim të shtuar të syve, që mund të jetë rezultat i alergjisë nga qimet e atyre kafshëve.
A duhet të paraqitem te mjeku pas çdo lotimi të syrit?
Nëse lotimi është i shoqëruar me skuqje intensive, me gërvishtje dhe dhimbje të syve, urgjentisht duhet kontroll i syve, rekomandon Dr. Mirjana Sazdovska, specialist i oftalmologjisë.
Lotim të shtuar kemi edhe te sindroma e syrit të thatë. Tingëllon paradoksale por sqarimi është se, për shkak të thatësisë së shtresave sipërfaqësore syri vazhdimisht është i irituar (ndjenja e trupit të huaj) dhe për këtë shkak, gjëndra e lotit është e stimuluar të prodhojë më shumë lot. Terapi për këtë janë lotët artificialë.
Çfarë duhet të bëhet që të zvogëlohet lotimi?
