Ndër futbollistët që shquhen për lojë agresive, ndërhyrje të ashpra, por edhe reagime të “nxehta”, pa dyshim është edhe kapiteni i Reali Madridit, Sergio Ramos. Ai është lojtari i cili është ndëshkuar më së shumti me kartonë të kuq në histori të La Ligas, Champions Leagues si dhe me ekipin kombëtar.
Mirëpo, viti 2018 është më ndryshe për kapitenin e “Los Blancos”, pasi që ai e mbyll vitin pa asnjë karton të kuq.
32-vjeçari është ndëshkuar me karton të kuq plot 24 herë në karrierën e tij 16-vjeçare si futbollist. Në 19 raste ai është ndëshkuar në La Ligë, tri herë në Ligën e Kampionëve dhe dy herë në Copa del Rey.
