Jep dorëheqje presidenti i Bankës Botërore

Presidenti i Bankës Botërore, Jim Yong Kim, njoftoi dje dorëheqjen e tij pas më shumë se gjashtë vjet në këtë post.

“Koreani i lindur në Amerikë do të largohet nga posti në fund të janarit”, njoftoi në një deklaratë Banka Botërore me qendër në Uashington.

Kjo dorëheqje erdhi si surprizë pasi Kim ishte votuar për një mandat të dytë pesëvjeçar në vitin 2016, shkruan Atsh.

Kim pritet të bëhet pjesë e një kompanie të fokusuar në investimet infrastrukturore menjëherë pas largimit të tij nga Banka Botërore. Megjithatë asnjë detaj nuk është bërë i ditur mbi rolin e tij të ri.