Avdullah Hoti ka folur për partinë e tij, për kundërshtarët politik dhe ka komentuar edhe qëndrimet e Vjosa Osmanit. Për këtë të fundit ai thotë se gjithmonë e ka hapur derën e LDK-së.
“Nuk e di çka u bo me Vjosën, e kemi mbështetur, e kemi përkrahur, por secili e zgjedh rrugën e vet. Por ne e pranojmë nëse don të kthehet në LDK”, thotë ai.
Ai thotë se si parti, në udhëheqje po mundohen me e kthy Kosovën në rrugë të mbarë.
“Po tingullon si revolucionare, po mundohemi me bo punë të mira edhe me u siguru mos me bo punë të këqija.
Punë të këqija që mundemi me i ba janë më bo lëshime vazhdimisht si; shpenzimet e buxhetit, punësime, projektet jo adekuate. Po sigurohem që mos me ndodh këto punë të këqija edhe kur të dorëzojmë qeverisjen do të jetë më mirë se si e kemi gjetur dhe për këtë jam i bindur”, thotë Hoti.
Kur flet për Ligjin për Rimëkëmbje Ekonomike thotë se opozita nuk po e kalon në Kuvend, madje pa asnjë arsye të qëndrueshme.
Ai flet edhe për barazinë gjinore, dhe sipas tij, kanë ndarë 2 milionë euro për Zyrën e Barazisë Gjinore në dobi të fuqizmit të gruas.
Ndërsa për Albin Kurtin deklaron se LDK-ja e ka bërë kryeministër.
Ndërsa me AAK-në thotë se është sfiduese të menaxhohet si koalicion i tillë.
“I kemi ba me kohë gjërat dhe i kemi sqaruar parimet”, thotë ai./ oxygenpress.info
