Vasfije Krasniqi Goodman, gruaja që foli publikisht për dhunimin seksual që përjetoi gjatë luftës në Kosovë, ka pranuar që përmes emisionit Oxygen të bëjë një thirrje.
“Nuk mundesh me sha dikë që i ka ndodhur diçka pa dëshirë, neve na ka ndodhur diçka pa dëshirë, dhe është marre për një burrë mos me mbrojt atë femër. Pas 20 vjet luftë, i qajmë ata që kanë vdekur, i qajmë shtëpitë që janë ndjekur, e ne nuk përmendemi as si një ahur që i është djegur dikujt, Duhet me u ba pak më të ndjeshëm për ne, sepse nuk e kemi lehtë”, ka thënë ajo.
