Gjykata Themelore në Prishtinë përmes një komunikate ka bërë të ditur që e njëjta ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit kundër të pandehurit R.A, zyrtar policor, për shkak të veprave penale “Lëndim i rëndë trupor” dhe “Keqtrajtimi gjatë ushtrimit të detyrës zyrtare ose autorizimeve publike”, raporton Drejtësia Sot.
Kjo gjykatë, përkatësisht Departamenti i Përgjithshëm – Divizioni për Çështje Penale, sot ka marrë aktvendim dhe të pandehurit R.A., i ka caktuar masën e paraburgimit në kohëzgjatje prej një (1) muaji.
Në arsyetimin e aktvendimit, Gjykata ka konstatuar se masa e paraburgimit është caktuar, pasi që ekzistojnë rrethanat që tregojnë rrezikun se po të gjendet i pandehuri, R.A., në liri mund të ndikojë në dëshmitarë, por edhe në të dëmtuarin, i cili akoma nuk është dëgjuar për shkak të gjendjes së tij të rëndë shëndetësore.
