Gazetari amerikan befasohet nga sjellja e një kamerieri në Prishtinë

0
39

Një gazetar i huaj është befasuar në Prishtinë, kur ka shkuar në një kafene për të drekuar në ditën kur po shënohej përvjetori i njëmbëdhjetë i Pavarësisë së Kosovës.

Gazetari Nolan Peterson, nga Shtetet e Bashkuara të Amerikës (SHBA), i cili punon si korrespondent për “The Daily Signal”, ka treguar se si në një kafene në kryeqytetin kosovar nuk është lejuar të paguajë.

“Sot, Kosova festoi 11 vjetorin e Pavarësisë. Para paradës, hëngra drekë në një kafene në Prishtinë”, ka shkruar ai në llogarinë e tij, në rrjetin social Facebook, në internet.

“Kur kërkova faturën, kamerieri thjesht më buzëqeshi dhe më tha, ‘I ke prej shtëpisë’”, ka treguar ai.

Gazetari amerikan, i cili, sipas biografisë së tij në Facebook, ka qenë pilot i Forcës Ajrore të Shteteve të Bashkuara, ka thënë ta ketë pyetur kamerierin pse po tregohej aq bujar ndaj tij.

“Vendi yt e ka shpëtuar timin”, ka treguar gazetari t’i ketë thënë kamerieri. “Më e paketa që mund të bëj është të ta paguaj drekën”, i është thënë më tej atij. /Metro/OxygenPress.info