Në Fakultetin e Filologjisë, nga sot fillon kursi i gjuhës kroate. Kjo gjuhë do të ligjërohet nga profesoresha e Universitetit të Zagrebit, Ivanqica Bankoviq-Mandiq.
Në hapje të këtij kursi ka marrë pjesë edhe ambasadorja e Republikës së Kroacisë në Republikën e Kosovës, Marija Kapitanovic, ndërkaq nikoqire e saj do të jetë dekanja e Fakultetit të Filologjisë, Linditë Sejdiu Rugova.
Sipas Ambasadës, një moment i tillë shënon një kthesë të rëndësishme të bashkëpunimit ndërkakademik ndërmjet të dyja institucioneve meqë edhe nga marsi 2019, në Universitetin e Zagrebit do të fillojë të mbahet kursi i shqipes për nevoja të gjuhësisë nga profesorët e departamentit të Gjuhës shqipe nga Universiteti i Prishtinës “Hasan Prishtina”.
