Feronikeli ka pësuar humbje nga kampioni i Uellsit, The New Saints, me rezultat 0:1, në ndeshjen e kthimit të rrethit të parë të kualifikimeve të Ligës së Kampionëve, që u zhvillua në praninë e rreth 8000 tifozëve në stadiumin “Fadil Vokrri”.
Kampionët tanë e nisën mirë ndeshjen dhe patën mbizotërimin në fushë, por pa arritur dot të gjejnë rrugën e golit. Ndërkaq, në minutat në vazhdim loja ishte më e baraspeshuar.
Në fillim të pjesës së dytë ishin mysafirët që luajtën më mirë, duke qenë më kërcënues për portën e Smakiqit dhe si rrjedhojë në minutën e 67-të shënuan edhe golin e epërsisë, që në fund doli të ishte edhe goli i fitores.
