Trajneri legjendar i Manchester Unitedit, 77-vjeçari Sir Alex Ferguson, ka filluar të marrë veten pas operacionit që iu nënshtrua në maj të vitit të kaluar për shkak të hemorragjisë në tru.
Tashmë Ferguson është kthyer te qendra stërvitore e ekipit për herë të parë dhe është takuar me trajnerin e përkohshëm të United, Ole Gunnar Solskjaerin, raporton BBC.
Skocezi nuk ishte shfaqur në asnjërën prej seancave stërvitore të ish-trajnerëve David Moyes e Louis van Gaal, por ai ishte ftuar nga ish-trajneri Jose Mourinho. Ndërsa, ai tani ka shkuar ta vizitojë edhe trajnerin aktual, Solskjaerin.
