Elon Musk, pronari i kompanisë prodhuese të automjeteve elektrike të nivelit të lartë, “Tesla”, u ngrit sot në rangun e personit më të pasur në botë, falë rritjes së aksioneve të Tesla-s në Bursë, sipas agjencisë “Bloomberg”.
Falë rritjes së aksioneve të Tesla-s, nga të cilat ai zotëron 18 %, në Wall Street, sipërmarrësi i çuditshëm 49-vjeçar, i cili gjithashtu drejton “SpaceX”, kaloi sot në mëngjes përpara Jeff Bezos, kreut të “Amazon”, sipas llogaritjeve të “Bloomberg”, që mban të përditësuar renditjen e miliarderëve.
Jeff Bezos e mbante titullin e njeriut më të pasur në planet që nga viti 2017.
