Me një instalacion në Sheshin Skënderbeu në Prishtinë, Qendra Kosovare për Rehabilitimin e të Mbijetuarve të Torturës shënon sot 19 Qershorin – Ditën Ndërkombëtare për eleminimin e dhunës seksuale në konflikt.
Aktiviteti ka për qëllim rritjen e vetëdijës së popullatës për gjendjen e të mbijetuarve të dhunës seksuale gjatë luftës në Kosovë, por veçanarisht luftimin e stigmës dhe mobilizimin e qytetarëve dhe institucioneve për më shumë mbështetje për të mbijetuarit!
Më 19 qershor 2015, Asambleja e Përgjithshme e Kombeve të Bashkuara shpalli 19 qershorin Ditë Ndërkombëtare për Eliminimin e Dhunës Seksuale në Konflikt, me qëllim të ngritjes së vetëdijes për t’i dhënë fund dhunë seksuale që lidhen me konfliktin, për të nderuar viktimat dhe të mbijetuarit e dhunës seksuale në të gjithë botën si dhe për të zhvilluar programe për avansimin e gjendjes së të mbijetuarve.
