Vitamina D është një vitaminë jashtëzakonisht e rëndësishme që ka efekte të fuqishme në disa sisteme në të gjithë trupin. Ndryshe nga vitaminat e tjera, vitamina D funksionon si një hormon dhe çdo qelizë e vetme në trupin tuaj ka një receptor për të.
Kohëve të fundit, vitamina D po vlerësohet si një nga vitaminat më të rëndësishme për t’u mbrojtur nga Covid-19. Organizmi e fiton vitaminën D kur është i ekspozuar ndaj rrezeve të diellit, por mungesa e vitaminës D në organizëm është e zakonshme.
6 faktorë të zakonshëm që rrisin mundësinë e mungesës së vitaminës D:
1. Lëkura e errët
2. Të qenit të moshuar
3. Të qenit mbipeshë ose obez
4. Mungesa e peshkut në dietën ushqimore
5. Të jetuarit larg ekuatorit në vende me pak dietë me diell gjatë vitit
6. Qëndrimi brenda
8 shenja dhe simptoma të mungesës së vitaminës D
Të sëmuresh ose të infektohesh shpesh: Një nga rolet më të rëndësishme të vitaminës D është mbajtja e sistemit tuaj imunitar të fortë në mënyrë që të jeni në gjendje të luftoni kundër viruseve dhe baktereve që shkaktojnë sëmundje.
Mungesë energjie dhe lodhje e vazhdueshme: Ndjenja e lodhjes mund të ketë shumë shkaqe dhe mungesa e vitaminës D mund të jetë një prej tyre. Për fat të keq, shpesh neglizhohet si një shkak i mundshëm.
Dhimbje kockash dhe shpine: Vitamina D ndihmon në ruajtjen e shëndetit të kockave sepse përmirëson thithjen e kalciumit në organizëm. Dhimbja e kockave dhe dhimbja e mesit mund të jenë shenja të niveleve jo të përshtatshme të vitaminës D në gjak.
Gjendje e dëshpëruar, ndryshime të gjendjes shpirtërore: Një gjendje shpirtërore e dëshpëruar mund të jetë gjithashtu një shenjë e mungesës së vitaminës D.
Vështirësi në shërimin e plagëve: Shërimi i ngadaltë i plagëve pas operacionit ose lëndimit mund të jetë një shenjë që nivelet tuaja të vitaminës D janë shumë të ulëta. Kjo sepse roli i vitaminës D në kontrollimin e inflamacionit dhe luftimin e infeksionit është i rëndësishëm për shërimin e shpejtë.
Dëmtimi i kockave: Vitamina D luan një rol vendimtar në thithjen e kalciumit dhe metabolizmin e kockave. Shumë njerëz të moshuar që diagnostikohen me dëmtim të kockave duhet të marrin më shumë kalcium. Sidoqoftë, ata mund të kenë mungesë të vitaminës D gjithashtu.
Rënia e flokëve: Rënia e flokëve shpesh lidhet me stresit, i cili sigurisht që është një shkak i zakonshëm. Sidoqoftë, kur rënia e flokëve është e rëndë, mund të jetë rezultat i një sëmundjeje ose mungesës së lëndëve ushqyese.
Dhimbje muskujsh: Shkaqet e dhimbjes së muskujve shpesh janë të vështira për t’u përcaktuar. Ka prova se mungesa e vitaminës D mund të jetë një shkak i mundshëm i dhimbjes së muskujve tek fëmijët dhe të rriturit.
Burimi: Healthline, Cleveland Clinic, Anabel
