Me 52 brende dhe një portofol prej katër kompanish “Strauss Group” është një nga korporatat ndërkombëtare më të mëdha në Izrael dhe një lider botëror në treguesit Shëndet & Mirëqënie (Health & Wellness) dhe Kënaqësi & Privilegj. Po cila është historia e kësaj kompanie, që nisi 82 vjet më parë, kur Riçard dhe Hilde Strauss emigruan në Izrael dhe e nisën duke rritur zarzavate dhe pasur vetëm dy lopë.
FAMILJA STRAUSS
Në vitin 1936, familja Straus bëri “Aliya” (emigrim). Richard dhe Hilde Strauss, së bashku dhe me djalin e tyre dyvjeçar, Michael, emgriojnë nga Gjermania në Izrael dhe vendosen në një qytezë të vogël në veri të Izraelit, Nahariya. Rreth kabinës ku jetonin, ata rritën perime dhe zarzavate, ngritën një stallë të vogël lopësh dhe rritën dy lopë.
RIÇARD STRAUSS
Dy vjet më pas, 1938, Hilde, një kuzhiniere e talentuar, i shton qumështit të mbetur luleshtrydhe që i kishte mbledhur nga kopshti pranë shtëpisë. “Embëlsirat me luleshtrydhe morrën famë” në veri të Izraelit, dhe ishte Riçard ai që i shiste. Këtë vit, Komisioneri i Lartë Britanik e nderoi me çmim familjen Straus për produktet e saj të bulmetit.
Në vitin 1939, familja Straus nis të shesë prodhimet e tepërta të saj, me Michael dhe babain e tij, që tani nuk shet qumësht të freskët vetëm derë më derë me një karocë të tërhequr nga një gomar, por e çon qumështin te një fabrikë bulmeti, duke i parketuar produktet, një nga shenjat e para të industrisë hebraike në Palestinën e atëhershme. Për Michael, ishte një tjetër mësim guximi, përgjegjësie dhe rëndësie të industrisë izraelite, vlera që ata do ta përcillnin kompanisë përmes gjeneratave.
Në vitin 1939, Riçard dhe Hilde shesin stallën e tyre dhe formojnë kompaninë Strauss Nahariya Dairy. Produkte në paketimin e tyre kishin një struc, (“Strauss” në Gjermanisht).
Në vitin 1941, Hilde Strauss fillon përpjekje e saj të para për të prodhuar akullore. Simboli i strucit, që ishte përdorur për produktet e bulmetit, zëvendësohet me pikturën e një kulle uji të Nahariyas.
Në vitin 1956, Michael Strauss kompleton studimet e tij në Gjermani si teknik qumështi dhe i bashkohet biznesit të familjes, ky është edhe një moment kyç, pasi kompania ndërmerr transformime të mëdha në bulmetra dhe zgjeron fushën e produkteve të saj. Kompania punëson profesionistë në tregun bulmetrave. Për Michael, të bërit djathë ishte një dashuri e vërtetë.
Në vitin 1958, Michael Strauss bën një revolucion në marketing dhe shitjen, duke krijuar një sistem shpërndarje të bazuar në një model unik, duke nisur kështu penetrimin në tregun e Tel Avivit dhe më pas në të gjithë vendin.
Në vitin 1962, Strass ndërton një fabrike akulloresh në Ako, dhe prodhon akullore në formën e bririt, të quajtur “Tilon”, një koncept që Hilde e kishte parë në Itali. “Tilon” bëhet shumë shpejt një “hit” për izraelitët.
Në vitin 1962, Strauss nis të prodhojë djathë të shkrirë të quajtur “Gervais”, bazuar në një recetë që Michael e kishte sjellë nga Zvicra. Dy vjet më pas, kompania Charles Gervais of Paris (Danone) hapi një proces gjysësore. Riçard Strauss shkoi në Francë, për të qartësuar gjërat dhe u kthye me një marrëvshje me kompaninë franceze, duke marrë edhe njohuritë sesi bëhej djathi.
Në vitin 1968, Familja Strauss arrin marrëveshjen me Groupe Danone, që solli edhe eksesin në njohuritë profesionale të Danones. Strauss parketon produktet e Danone në Izrael.
Në vitin 1972, fabrika e re e Strausit nisi të prodhojë pudingun e parë të gatshëm, të quajtur “Dani”. Michal e shndërron Strauss në një kompani inovative, që nuk sjell vetëm produkte të freskëta në Izrael, po dhe fut edhe koncepte të reja.
Në vitin 1975, Riçard Strauss, një industrialist me vizion të madh, ndërron jetë dhe tani biznesi i familjes menaxhohet nga fëmijët, Michael dhe Raya.
MICHAEL STRAUSS
Në vitin 1979, Michael nis të prodhojë embëlsirë më qumësht të ftohtë “Milky”, që shndërrohet në një histori suksesi. Në 1979, Straus blen rivalin e tij të madh në akullore, Ëhitman Ice Cream.
Në vitin 1985, ndërron jetë Hilde Strauss, bashkëthemeluese e kompanisë, e njohur për pasionin e saj për ushqimet dhe kurajën për të provuar dhe provuar, derisa produkti ishte superior.
Në 1991, Strauss nis revolucionin në prodhimin e humusit, duke blerë fabrikën “Mi vami”. Produket “Achla” gjenden në tryezat e çdo izraeliti.
Në vitin 1996, familja Straus arrin një marrëveshje me familjen Federman. Familja Straus merr 15% të Elite. Në vitin 1997, nis edhe era Straus te kompania Elite. Michael merr kontrollin e Elite, duke u bërë kështu prodhuesi i dytë më i madh i ushqimeve në Izrael. Në 1997, Straus merr 50% të aksioneve të Yotvata Dairy, duke u bërë lider në tregun e qumështit në Izrael.
Në vitin 1997, PepsiCo Frito-Lay hyn në partnership me Elite, duke blerë 50% të Elite Foods, për 6.7 milionë dollarë.
Në vitin 1998, nis edhe ekspansioni në biznesin e kafesë. Elite hyn në Europën Lindore dhe Ballkan. Elite blen fabrikat në Bullgari, Kroaci dhe Turqi, duke rritur eksportet në Rusi.
OFRA STRAUSS
Në vitin 2000, përpara se të tërhiqej si kryetar i kompanisë, Michael Strauss kompletoi një nga fabrikat e prodhimeve të bulmetrave më të mëdha dhe më të avancuara në Lindjen e Mesme, dhe një nga më të sofistikuarat të këtij lloji në botë. Gjatë ceremonisë inauguruese në vitin 2001, Michael ia kaloi stafetën e drejtimit vajzës së tij, Ofra.
Në vitin 2000, Elite hyn në tregun e biskotave dhe prodhimeve të brumërave, duke blerë dy fabrika.
Në vitin 2000, Elite vazhdon të zgjerohet ndërkombëtarisht, duke blerë kompaninë braziliane të kafesë, Três Corações, “Tre zemrat”, për 41 milionë dollarë. Blerja i siguron kompanisë lëndën e parë dhe i garanton Elite një kontroll të mbi 40% të tregut të kapuçinos në Brazil.
Në vitin 2001, Straus blen brandin e çokollatave Max Brener.
Në vitin 2002, Elite nënshkruan një marrëveshje mirëkuptimi për një bashkëpunim strategjik me kompaninë italiane te kafes ekspres, Lavazza, e cila operon në 70 vende të ndryshme. Elite distribuon kafen Lavazaa në tregun izraelit dhe në vendet ku grupi Strauss është aktiv.
Po, në vitin 2002, Straus hyn në tregun e mjaltit dhe vait të ullirit, duke blerë 51% të Yad Mordechai Apiary. Në 2003 hyn në tregun e zarzavateve të freskëta duke blerë 51% të A.N.P. Fresh Vegetables dhe katër vjet më pas, 100%.
Ofra Strauss, sipërmarrësja e fuqishme izraelite
Në 2004, Strauss-Elite shkrihet në një të vetme, në Strauss Group, duke e shndërruar Strauss Group kompaninë e dytë më të madhe në Izrael në fushën e prodhimeve ushqimore, dhe një kompani me reputacion ndërkomëbtar.
Në 2005, Strauss hyn në Amerikën e Veriut, duke blerë 51% të kompanisë Sabra, dhe nis të tregtojë humus dhe sallata të tjera të gatshme.
Në 2005, Straus Coffee blen Mk Poland, e cila asokohe dominonte një të pestën e tregut të kafesë, ndërkohë që aktualisht është kompania e kafesë numër 2 në Poloni. Një marrëveshje 50/50 me Santa Clara, një kompani kafeje e zotëruar nga Lima Brothers, e bën kompaninë e dytë më të madhe në Brazil.
Në 2006, Strauss nënshkruan një marrëveshje për blerjen e plotë të Doncafe.
Në 2008, PepsiCo bëhet partner 50/50 me Strauss dhe parketon prodhime si humus në SHBA dhe Kanada. Në 2010, inauguron në Virginia, SHBA, fabrikën më të madhe dhe më sofistikuar në botë të prodhimit të sallatave industriale, me një investim prej 70 milionë dollarësh.
Në vitin 2008, Strauss Coffee vjen në Shqipëri. Strauss Coffe nënshkruan një marrëveshje me DonCafe në Itali për blerjen e tregut në Shqipëri, Kosovë dhe Maqedoni.
Në 2011, Straus Water dhe Haier Group në Kinë krijuan ndërmarrjen e përbashkët, Haier Strauss Water në Kinë. Strauss Water u bashkua me Virgin Group të Richard Branson, për të themeluar në Britani “Virgin Pure improving life with Strauss Water”.
STRAUSS GROUP
Me 52 brende dhe një portofol prej katër kompanish (Strauss Coffee B.V., Strauss Israel, Strauss Water , PepsiCo-Strauss Fresh Dips & Spreads International), Strauss Group është një nga korporatat ndërkombëtare më të mëdha në Izrael dhe një lider botëror në treguesit Shëndet & Mirëqënie (Health & Wellness) dhe Kënaqësi & Privilegj.
Strauss menaxhon dhe zhvillon biznesin e tij, duke ofruar një gamë të gjerë të brandeve në Ushqim & Pije për të gjithë popullatën, e cila parketohet përmes kanaleve të ndryshme tregtare.
Aktiviteti i Strauss Group shtrihet në 12 kategori produktesh bazë, prodhimet e brumërave dhe drithërave, çokollatat dhe ëmbëlsirat, kafe, reçelrat, prodhimet e bulmetit, humus, pijet energjike, zarzavate dhe perimet e freskëta, mjaltë, makaronat, snekset e kripura dhe ujin.
Grupi ka 14 mijë punonjës në gjithë botën dhe është aktiv në më shumë se 20 vende. Grupi ka një xhiro vjetor prej 7.9 miliardë shekel (2.2 miliardë dollarë), në të cilat operacionet e tij ndërkombëtare zënë rreth 49%.
Straus ka bashkëpunim me Danone, PepsiCo, Haier, Virgin, Jotvata, Yad Mordechai. Strauss Group është i listuar në Bursën e Tel Avivit, në të cilën përfshihen kompanitë më të mëdha publike të Izraelite, dhe ka një kreditim klasifikimi AA+.
Familja Strauss zotëron 60.5% të Strauss Group, ndërsa 39.5% të aksioneve janë publike.
