Mrika dhe Arianit Nikqi, kishin mbetur më shumë se tetë ditë të bllokuar në majën më të lartë të Antarktidës, në temperatura – 40 gradë celsius.
Dy alpinistët kosovarë se bashku me shumë alpinistë të tjerë ishin ngujuar për shkak të kushteve atmosferike.
Mrika dhe Arianit Nikçi, kanë dalë me sukses jashtë Kampit Bazë të Antarktikut.
Mrika ka shkruar në rrjetin social Instagram:
Dhurata e fundvitit!
Për të gjithë ju që keni pritur me durim, duke treguar dashuri, kujdesje dhe mbështetje, ndihemi të kënaqur të ju njoftojmë se pas 20 ditësh qëndrimi në VinsonMasiff, Mrika dhe i gjith ekipi i alpinistëve i’a kanë dalur me sukses jashtë Kampit Bazë, dhe janë nisur drejt Union Glacier natën e djeshme, prej nga do të fluturojnë jashte kontinentit të ftohtë të Antarktikut drejtë Punta Arena Chile.
Dëshirojme të ndajmë me ju qertifikatën e kompletimit të ekspeditës të cilën ekipi po pret ta pranojë në Union Glacier gjatë ditës së sotme, por ndarja e lajmit te mirë me të gjithë ju është shumë më e rëndesishme për ne.
