Ka dështuar, për të gjashtën herë me radhë, votimi në parim i Projektligjit për Rimëkëmbjen Ekonomike.
Pro këtij projektligji kanë votuar 58 deputetë.
Deputetët e Lëvizjes Vetëvendosje dhe Partisë Demokratike të Kosovës nuk kanë marrë pjesë në votim.
Projektligji për Rimëkëmbje Ekonomike kap vlerën e 385 milionë eurove dhe synon që përmes politikave fiskale dhe monetare t’i ndihmojë bizneset pas humbjeve të shkaktuara nga pandemia.
Ky projektligj u miratua në Qeverinë e Kosovës më 22 korrik.