Ka pak kohë që pranë Biblotekës Kombëtarë është vendosur një punim artistik i artistes, Eliza Hoxhës. Ajo kishte thënë se instalacioni, paraqet antenat satelitore të cilat janë pjesë e Bienales së Venecias me emrin e Muslim Mulliqit, e organizuar nga Galeria Kombetare e Kosovës.
Kjo vepër artisitike si duket i kishte penguar dikujt. Dje pasdite kjo vepër ishte dëmtuar nga një qytetar, njofton OxygenPress.
Pas këtij veprimi, Hoxha përmes një postimi në rrjetin social Facebook ka reaguar duke e dënuar këtë akt.
“Kisha pas shumë qejf me hy ne kokën e personit që e ka bo këtë akt, veç me mujt me kuptu logjikën dhe knaqësinë që mundet me ja dhanë një gjest i tillë…. Fort bre koka munduuuuu …. Fort… Garant orgazëm ka përjetu … Sa gjynah!” ka shkruar ajo.
Sipas Eliza Hoxhës, vepra është e vendosur në hapësirë publike për ta afruar artin te komuniteti.
Ndaj kësaj vepre, ka reaguar edhe Galeria Kombëtare e Kosovës, ku kishte apeluar që të ndalen veprime të tilla.
“Në synimet e GKK që të zgjerojë audiencën dhe ta sjellë artin tek qytetari, duke pasur për qëllim që ta ngritë nivelin e perceptimit publik ndaj artit dhe kulturës, patëm kënaqësinë që në kuadër të bienales “Muslim Mulliqi 2018” ta kemi instalacionin “Plisi Informativ” të artistes Eliza Hoxha. Dje pasdite ky instalacion u gjet në këtë gjendje. Apelojmë te qytetarët të parandalojnë incidente të tilla të cilat e shëmtojnë qytetin dhe shkatërrojnë vlerat kulturore të Kosovës”, thuhet në reagimin e Galerisë Kombëtare të Kosovës.
Sipas Eliza Hoxhës, vepra ishte e vendosur në hapësirë publike për ta afruar artin te komuniteti.