Kombëtarja e Kosovës e ka mbajtur stërvitjen e radhës në stadiumin “Fadil Vokrri”.
Përzgjedhësi Challandes ka punuar me futbollistët të cilët nuk u paraqitën në ndeshjen kundër Çekisë, si dhe me ata që u përfshin në lojë si zëvendësues, derisa pjesa tjetër e futbollistëve ka bërë rigjenerim në hotel.
Ndërkohë, stërvitjennga afër e ndoqën presidenti Agim Ademi, nënkryetari Bakir Burri dhe sekretari i përgjithshëm, Eroll Salihu, derisa mysafir i veçantë ishte ish-ambasadori britanik, Ruairi O’Connell, i cili do të jetë i pranishëm në ndeshjen e së dielës Kosovë – Angli, që pritet të jetë një festë futbolli.
