Qendra e Numërimeve dhe Rezultateve ka filluar numërimin e 530 vendvotimeve.
Ky vendim ka ardhur pas parregullsive të gjetura e të publikuara në raportin e auditimit të nga Qendra e Numërimit dhe Rezultateve (QNR).
Burim Ahmetaj, Udhëheqës i QNR-së, ka treguar se si po shkon procesi dhe kur pritet të mbaroj.
“Sot ka filluar procesi i numërimit të 530 vendvotimeve me vendim të KQZ-së.”
“Kjo për shkak se ka pasur mospërputhje mes votave të kandidatëve dhe partive. Procesi i numërimit po rrjedh normalisht. Brenda një jave do të kompletohet i gjithë ky proces i rinumërimit.”
“Jemi në procesin e fundit të të gjithë kontrolleve të votave me kusht. Posa të kompletohet procesi i skenimit të listës përfundimtare të votuesve. “
“Jemi tash në procesin e rinumërimit. Brenda 1 jave besoj se do të kompletohet ky proces i rinumërimit. Do të na duhet dy ditë që të përfundoj numërimi i votave me kusht. Do të na duhen pak më shumë se një javë që të përfundoj komplet procesi.“, ka thënë ai.