Boronica është ndër frutat më ushqyese dhe të dobishme për shëndetin tonë. Eshtë një super frut që po bëhet gjithnjë e më popullor dhe që është aq i pasur me veti terapeutike saqë mund të na ndihmojë të parandalojmë dhe trajtojmë disa gjendje shëndetësore.
Boronicat permbajne pak yndyrë dhe natrium, nuk përmban kolesterol ,por janë të pasura me fibra, vitaminë C dhe K dhe flavonoide antioksiduese. Ata kanë veti astringente, diuretike dhe antivirale.
Boronica është e pasur me veti antioksiduese dhe anti-inflamatore, të cilat mbrojnë qelizat nga dëmtimi i radikaleve të lira, ndërsa parandalojnë shumë sëmundje. Eshtë një frut i shkëlqyeshëm për uljen e stresit oksidues.
Boronicat përmbajnë flavonoide që forcojnë kujtesën dhe përmirësojnë funksionet njohëse. Për më tepër, ata mbrojnë trurin nga dëmtimet e radikaleve të lira, duke parandaluar sëmundje të tilla si Alzheimer dhe Parkinson.
Boronica përmban fitokimikate të quajtura polifenole, të cilat janë të pasura me përfitime shëndetësore. Sipas një studimi të kohëve të fundit, konsumi i rregullt i boronicës ndihmon në parandalimin e sëmundjeve të shoqëruara me sindromën metabolike, përfshirë sëmundjet kardiovaskulare dhe diabetin.
Infeksionet urinare shkaktohen nga bakteret dhe janë shumë të zakonshme tek burrat dhe gratë. Boronica përmban një substancë që parandalon lidhjen e baktereve në indet e fshikëzës.
Boronica përmban përbërës që permiresojne shikimin. Një studim italian ka treguar që anthocyanosides dhe vitamina E në boronica mund të bllokojnë përparimin e formimit të kataraktit.
Boronica është një nga frutat më efektive për vonimin e efekteve të plakjes. Përveç përmirësimit të lëkurës dhe dhënies së energjisë, ata mbrojnë trurin dhe zvogëlojnë humbjen e koordinimit motorik që shoqëron normalisht plakjen.
