Më 10 nëntor, në Mançester zhvillohet meçi ndërmjet britanikut Tony Bellew dhe kampionit të botës në peshën “cruiserweight”, ukrainasit Oleksandr Usyk.
Edhe pse ky i fundit konsiderohet favorit, britaniku beson se do ta fitojë sfidën.
“Usyk është përbindësh, por unë do ta gjej mënyrën për ta mposhtur. Nuk e di në çfarë mënyre, në cilin rund dhe si do të ndodhë, por Osyk do të përjetojë diçka që nuk ka përjetuar kurrë më parë“, ka thënë 35-vjeçari Bellew, që shpreson t’i shkaktojë rivalit ukrainas humbjen e parë në karrierë.
