Presidenti i Aleancës Kosova e Re, Behgjet Pacolli ka treguar arsyen pse ka vendosë që të marrë pagën që i takon nga shteti, meqë dikur nuk e merrte fare.
Ai në Oxygen Show ka thënë se ka vlerësuar që ato para që nuk i merrte dikur nuk i kanë shërber askujt, andaj ka vendosur që të marrë pagën e tij dhe ta jap atë për bamirësi.
“Unë nuk kam marrë rrogë as kur kam qenë president as kur kam qenë në mandatin e parë, tash unë marrë rrogën por rroga shkon në një llogari e prej asaj shkon për bamirësi. Jo vetëm rroga, por edhe ndonjë llogari për mëditjen. Më duket se nuk i ka shërby askujt për tre vjet ajo rrogë që nuk e kam marrë herën e kaluar. Kështu kam vendosë që ato të grumbullohen dhe të shkojnë për donacion. Para disa dite kam dërguar dy persona për shërim”, tha ai.
