Komisioni Europian njoftoi sot se ka thirrur gjashtë shtete anëtare, përfshirë Belgjikën dhe Gjermaninë, për të shpjeguar brenda dhjetë ditësh masat kufizuese e trafikut të lidhura me COVID-19, të cilat i konsideron si joproporcionale.
“Ekzekutivi i BE-së u ka dërguar letra Belgjikës, Danimarkës, Finlandës, Gjermanisë, Suedisë dhe Hungarisë, pasi gjashtë vendet zbatojnë kufizime më të ashpra sesa ato të rekomanduara nga BE, përfshirë ndalimet për hyrjen në territorin e tyre”, shpjegoi një zëdhënës i Komisionit.
“Këto letra tregojnë për një rrezik copëzimi, pengesa për lëvizjen e lirë, përçarje të zinxhirëve të prodhimit”, theksoi ai.
