Komisioni Europian deklaroi se nuk do të aktivizojë një klauzolë anulimi emergjent në marrëveshjen e Brexit në kufirin delikat irlandez me kufizime të reja për eksportin e vaksinave, por aktualisht blloku i 27 anëtarëve po detajon rregulloren aktuale.
”Krahu ekzekutiv i Bashkimit Europian do të sigurojë që protokolli Irlandë/Irlandë e Veriut të mos ndryshohet. Komisioni nuk po aktivizon klauzolën e mbrojtjes”, theksoi KE në një deklaratë me shkrim.
Kufizime të reja mbi eksportet e vaksinave ANTICovid-19 nga BE ngritën alarmin në Belfast, Dublin dhe Londër për mënyrën se si ata mund të bllokojnë eksportet për në Irlandën e Veriut.
