SHBA-ja dhe Kina u angazhuan të bashkëpunojnë për çështjen shumë thelbësore të ndryshimit klimatik, njoftuan dy vendet në një komunikatë të përbashkët pas vizitës të të dërguarit amerikan, John Kerry në Shanghai.
“SHBA-ja dhe Kina u angazhuan të bashkëpunojnë mes tyre dhe me vende të tjera për të përballuar krizën klimatike, që do të trajtohet me seriozitet dhe me urgjencën që ajo kërkon”, sipas komunikatës së përbashkët të nënshkruar nga John Kerry dhe homologu kinez, Xie Zhenhua.
Teksti përfshin rrugë të shumta të bashkëpunimit midis dy ekonomive më të mëdha në botë, të cilat së bashku përbëjnë gati gjysmën e emetimeve të gazrave serrë përgjegjës për ndryshimin e klimës.
