Kryeministri i Republikës së Kosovës, Avdullah Hoti, sot edhe zyrtarisht e ka marrë drejtimin e Qeverisë së Republikës së Kosovës.
Në një ceremoni shtetërore, ai ka parakaluar para Gardës Ceremoniale të Forcës së Sigurisë së Kosovës, e cila ishte rreshtuar në nderim të kryeministrit të ri, ndërsa orkestra e FSK-së po intononte himnin shtetëror.
Pas marrjes së detyrës, Kryeministri Hoti ka mbledhur kabinetin qeveritar, ku ka prezantuar objektivat kryesore të Qeverisë së re.
