Ekipi i NBA-së, Los Angeles Lakers do të nënshkruajë me Anthony Davis marrëveshje maksimale pesë vjeçare në vlerë prej 190 milionë dollarë.
“Marrëveshja përfshin një opsion përfundimi të parakohshëm të kontratës përpara sezonit të pestë në 2024-2025. Marrëveshja mund të nënshkruhet sot”, shkroi Adrian Wojnarowski në faqen e internetit të ESPN-së.
“Davis, një agjent i lirë, pritet të nënshkruajë kontratën sa më shpejt që është e mundur. Ai shqyrtoi disa skenarë të kontratës afatshkurtër dhe afatgjatë përpara se të pranonte një ofertë maksimale pesë-vjeçare”, shtoi ai.
