Asociacioni i Gazetarëve të Kosovës, e vlerëson të papranueshme gjuhën e përdorur nga kryetari i Aleancës për Ardhmërinë e Kosovës, Ramush Haradinaj, në drejtim të gazetarëve.
Haradinaj mbrëmë në një emision debatues i ka quajtur “zagarë”, gazetarët që kanë raportuar nga Washingtoni, duke thënë se shumë prej tyre janë mercenarë që “me një kaçik të sulmojnë”.
“Kur më kanë thënë mua që ty do të sulmojnë mi kanë lëshuar menjëherë zagarët në shpinë, zagarët janë shumë gazetarë mercenarë që me një kaçik të sulmojnë. Menjëherë më kanë sulmuar, në sekond sikur kam kundërshtuar për Ujmanin, shihni prononcimet e gazetarëve tanë në Kosovë që kanë shkuar atje, gazetarët serbë nuk bëjnë kështu. Gazetarët serbë, e mbrojnë Vuçiqin. Gazetarët që kanë qenë në Washington, shihi statuset…”.
