Rreth 400 të rinj të certifikuar për ndërmarrësi dhe zhvillim të planeve të biznesit i janë shtuar Kosovës. Çertifikatat “Trajnime për Ndërmarrësi dhe Zhvillim të Planeve të Biznesit” i ka shpërndarë sot Ministria e Kulturës, Rinisë dhe Sportit.
Sipas ministrit Kujtim Gashi, përmes këtyre trajnimeve u është dhënë mundësia e përgatitjes për biznes plane të gjithë rinjve nga të gjitha komunitetet që jetojnë në Kosovë.
Ai tha se në veçanti kanë përkrahur të gjitha grupet e margjinalizuara, femrat e reja në zonat rurale, komunitetet e ndryshme dhe personat me nevoja të veçanta, me qëllim të gjithpërfshirjës.
